بسم الله الرحمن الرحيم
واليكم اول ما اكتب اليوم
هنتكلم عن علاقة الاب بأولاده وخصوصا بناته
عايزه اعرف ليه الاب دايما بعيد عن بناته ليه مش بيحاول يقتحم حياتهم ليه دائما ودوما لما يقول لا يبقى خلاص امر مفروغ منه
ليه النقاش فى ذاكرة الاب ممسوح بأستيكه ليه مالناش الحق ان احنا نتكلم ونقول ارائنا ؟؟؟؟؟؟؟؟؟؟؟؟؟؟؟؟؟؟؟؟؟؟؟
مش لئيه اجابه مقنعه كل الناس بتقول الاب ده خط احمر ممنوع تعديه يعنى منطقه محظوره ممنوع اللمس او الاقتراب
ليه الكل مش عايز يستوعب ان الاب ده حاجه كبيره بعيدا عن انه مسؤل على انه يعول اسرته ويوفر لهم ماهو كافى ليتمتعو بحياه كريمه
ليه مش قادرين انهم يعرفو ان الحياة الكريمه دى مش هنشعر بمتعتها الا اذا كان الاب بيسمع ويعرف ايه الى مسيطر على اولاده
دى بئه مقدمه للى بعد كدااااااااااااااااااااااا
وعايزه اعرف العيب فى الاب ولا الابن ولا الابنه ولا فى الزمن الى اتغير
ولا فى مين بالتحديد
انا بئه عايزه ردود واجابات لكل ده
والمره الجايه هنحلل الاجابات عشان نوصل لحل نهائى
لمشكلتنا دى
والسلام ختام
ياصباح الفل
ردحذفاولا الف مبروك عالبلوج
وثانيا
واضح ان الأب فى حياتك .. حاجة محورية
عالعموم
هنستنى كلامك علشان نتفاعل معاكى
ونعرف المشكلة فى مين بالظبط
الاب ولا الابن ولا الابنة ولا الأم ولا البلوج ولا ايه
المهم
اهلا بيكى فى عالم البلوءات
اولا الف الف مليون مبروك على البلوج الجديد
ردحذفوبجد سعداء جدا بوجودك معانا واعتبرينا اكيد اخواتك
بدأتى ببوست جميل جدا واهتمامك بل اب واضح جدا
مستنين تمتعينا
اولا الله يبارك فيك ثانيا انا الاب مش مشكله فى حياتى
ردحذفبس الى فعلا مشكله ان احنا نسكت عن حاجه زى دى لان فعلا مفيش مستقبل من غير حب وحنان الاب حتى لو كان الاب مداريه
أزال المؤلف هذا التعليق.
ردحذفالسلام عليكم،
ردحذفالأب طبعاً هو المسؤل الأساسي عن حلول مشاكل البيت، وكذلك مشاكله مع أفراد أسرته بشكل عام
ولازم برضه نراعي إن الأب ده مهما كانت شغلته، فهو بيشوف الذل والأرف في الشغل، للأسف بقي بيطلع إللي بيتعمل فيه بره في البيت
يعني أنا مثلاً، أبويا لما بيبقي بينه وبيني مشكلة، يقوم مخاصمني وميكلمنيش إلا بعد زمن، كإننا عيال صغيرة لسه في الحضانة
طب يعم ماتيجي تكلمني إنت، لا ده بقي فاكر ان بكده المشكلة حتتحل، بإنه يخاصم ابنه
في يوم نتيجة ثانية ثانوي (75 %)أبويا خاصمني وزعل مني ومكلمنيش طول فترة الأجازة
كإن أنا مثلاً كنت بذاكرله، وهو كمان اللي كان مدخلني علمي غصب عني، صحيح انا لي أخين دكاتر، وأخ واحد مخلص إعلام، بس مش معناه إني أنا كمان أكون بحب العلمي
علي العموم انا مش زعلان منه، في الأول في الأخر أنا اللي ذاكرت، ودي كانت درجاتي، وأنا راضي بمجالي والحمد لله
ساعات الصبر بيكون أفضل الحلول